Categories
Lyrics

Allah Karam Karna Maula Tu Reham Karna Lyrics

Hum sabko nek rah chalana mere allah Bando ko burai se bachana mere allah Allah karam karna maula tu reham karna

Ek Wakaya sunati hu mai apni zubani
Apne bado se maine suni hai ye kahani
Rehta tha kisi shehar me ek aisa bhi insan Jo naam ka muslim thha magar kam ka shaitan
Zalim ko zor e bazu pe apne gurur tha
Yani ke bekhudi me khuda se wo door tha
Sab log use kehte the jallad sitamgar Masum ki fariyad ka us pe na tha asar
Jo wada us ne kar liya wo kar ke dikhaya Paiso ke liye qatl kiye khun bahaya
Ek din wo behta khun asar us pe kar gaya
Insan zinda ho gaya shaitan mar gaya
Allah karam karna Maula tu reham karna

Iman jise kehte hai farman e khuda hai
Quran ke har lafz me us ki hi sada hai Allah ne bakshi hai jo iman ki daulat Ye sab se badi cheez hai insan ki daulat
Soye huye dilo ko jagata hai ye iman Bhatke huyo ko rah dikhata hai ye iman
Iman ki garmi se pighal jate hai patthar
Is noor se bante hai sawarte hai muqaddar
Jo sab se pyar karta hai insan wohi hai
Muslim hai wohi sahib e iman wohi hai
Allah karam karna Maula tu reham karna

Jis kaam ke karne pe na ho razi koi dil
Wo kaam bhi is duniya me nafrat ke hai kabil
Jo kuch bhi zuban keh de wo iqrar nahi hai
Laghzish hai labo ki wo gunehgar nahi hai
Jo dil se nahi karta burai ka irada Allah se wo tauba kare tod de wada Jaldi jo sambhal jaye wo nadan nahi hai
Iman jis me ho wo beiman nahi hai Duniya me hamesha to nahi rehta andhera
Insan jaha jage wahi pe hai sawera
Allah karam karna Maula tu reham karna

Jo sacche dil se karta hai iman ki aarzu
Allah ki nazaro me wo hota hai surkh rooh
Iman me kya kya na saha pyare nabi ne
Kya aisi musibat bhi utthayi hai kisi ne
Karbal ke shahido ne sabak hum ko padhaya
Sajde me de ke jaan ko iman bachaya
Iss raah me jo sehte hai taqlif o musibat
Ek roz un pe hoti hai allah ki rehmat Insan hai wo jo dusro ka dil na dukhaye
Pad jaye agar jaan pe to jaan lutaye
Allah karam karna Maula tu reham karna

Read it: Ishq ke rang me rang jao mere yaar, naat lyrics

Read it: Mere Mehboob Ka Meelad Manane Walo lyrics