Categories
Lyrics

Jo Shahe Madina Ki Nigahon Mein Rahe Hai lyrics

Jo Shahe Madina Ki Nigahon Mein Rahe Hai
Siddique Bane Daata Bane Gaus Bane Hain

Ajmer Mein Baghdad Mein Dehli Me Dilon Mein
Kis Shaan Se Sarkaar Ke Darbaar Saje Hain

Har Raat Mein Aaqa Ki Huzoori Mein Jo Rehte
Dil Unke Salamat Hai Libaas Unke Phate Hai

Par Unki Guzargaah Mein Qudsi Hai Bichate
Jo Chaak Girebaan Madine Ko Chale Hai

Is Bazme Gareeban Pe Woh Barsenge Yaqeenan
Jo Abre Karam Baar Madine Se Uthe Hai

Har Saans Na Kyun Waqf Kare Unki Sana Mein
Jab Saans Humein Unke Hi Sadqe Mein Mili Hai

Saaim Ko Mila Naat Mein Jaami Ka Qareena
Alfaaz Jabhi Ashkon Mein Aahon mein Dhale Hai

Read it: Jab Se Nabi Ki Yaad Ko Dil Mein Basa Liya lyrics