Categories
Lyrics

Kaabe ke dar ke saamne maangi hai dua faqat, naat lyrics.

Kaabe ke dar ke saamne maangi hai dua faqat, naat lyrics.

Kaabe ke dar ke saamne maangi hai dua faqat,
Haathon mein hashar tak rahe daaman-e-Mustafa faqat.

Apne karam se e Khuda ishq-e-Rasul kar ataa,
Aakhiri dam zubaan pe ho Salle Ala sadaa faqat.

Tayba ki serr ko chaley qadmon mein unki jaan dein,
Duffan huun unke shehr mein hai yehi iltija faqat.

Duniya ki saari ni’matain meri nazar mein hench huun,
Rakhne ko sar pe gar mile naalain-e-Mustafa faqat.

Munkar Naqeer qabar mein ham se sawaal jab karain,
Aise mein wird ham rakkhain aap ke naam ka faqat.

Naza’a ke waqt jab meri saanson mein intishaar ho,
Meri nazar ke saamne Gumbad ho woh hara faqat.

Naat-e-Rasul-e-paak hai nazmi ka maqsad-e-hayaat,
Qabr mein bhi labon pe ho Sarkaar ki sana faqat.

Kaabe ke dar ke saamne maangi hai dua faqat……

read more:-Allah Ki Sar Ta Ba Qadam Shan Hai Ye , naat lyrics.