Categories
Lyrics

Koi saliqa hai arzoo ka, lyrics

Koi saliqa hai arzoo ka na bandagi meri bandagi hai,

Yeh sab tumhara qaram he aaqa ke baat ab tak bani hui hai,

Kisi ka ihsan kyo uthen, kisi ko halat kyo batain

Tumhein se mangein gey tum hi do gey, tumhare dar se hi loo lagi hai,

Ata kiya mujh ko darde-ulfat, kaha thi yeh pur khata ki qismat

Mein iss karam ke kaha tha qabil, huzoor ki banda parwari hai,

 
Shoor o fikro nazar ke dairey, had ka in se barh na paain

Na choo sake un balandiyon ko, jaha maqame Muhammadi hai,

 
Tajaliyon ke kafeel tum ho, murad tu ke khalil tum ho

Khuda ki roshan dalil tum ho, yeh sab tumhari hi roshni hai,

Koi Saliqa He Arzoo ka Na Bandagi Meri Bandagi Hai…

Bashir kahiye nazir kahiye, unhein siraje munir kahiye,

Jo sar ba sar he kalam-e-rabbi, woh merey aaqa ki zindagi hai,

Ammal ki merey asas kiya he, bajuz nadamat ke paas kiya hai,

Rahe salamat tumhari nisbat, mera to ek aasra yehi hai,

He Qaaba bhi marja-e-khalaiq, bohat numayan he yeh haqaiq,

Magar jo maqsoode-e-aashqi he, huzur ke dar ki haazri hai,

Yehi he khalid asas rehmat, yehi he khalid bina-e-azmat,

Nabi ka irfan zindagi he, nabi ka irfan bandagi hai,

Koi saliqa hai arzoo ka…

Read it: Woh kamaale husne Huzoor hai, Naat lyrics

read it:- Madina Madina hamara Madina – Naat lyrics.

Dare nabi par para rahoonga, parre hi rehne se kaam hoga,
Kabhi to qismat khule gi meri, kabhi to mera salam hoga,

Khilafe maashooq kuch huwa hai, na koi aashiq se kaam hoga,
Khuda bhi hoga udhar bhi aye dil, jidhar woh aali maqam hoga,

Kiye hi jaoon ga arz matlab, milega jab tak na dil ka matlab,
Na shaam e matlab ki subha hogi, na yeh fasana tamam hoga,

Jo dil se hai ma’il-e-payambar, yeh is ki pehchan hai muqarrar,
Ke har dam is be nawa ke lab par, durood hoga salam hoga,

Isi tawaqqo pe ji raha hoon, yehi tamanna jila rahi hai,
Nigahe lutfo karam na hogi, to mujh ko jeena haram hoga,

Dare nabi par para rahoonga, parre hi rehne se kaam hoga,
Kabhi to qismat khule gi meri, kabhi to mera salam hoga…

Read it: Ho Karam Sarkar Ab To Ho Gaye Gham Beshumaar, naat lyrics.